الخميس، 22 أكتوبر 2009

لمبات محروقة


دايماً بيرمز للابداع و اى فكرة عبقرية بلمبة .. و دة عشان هى بتنور الضلمة اللى حواليها
و على مدى سنوات اصبحت اللمبة دى مرتبطة بالافكار الجهنمية و الاكتشافات اللولبية..
و فى بلدنا العزيز هتكتشف ان فيه اكبر كمية من اللمبات..
80 مليون لمبة بالصلاة ع النبى .. بمعدل 5 لمبات لكل مواطن عشان الحسد..
و طبعاً كل مواطن و لمبته .. اللى تلاقى دماغه فيها لمبة سهارى على قده..
و اللى دماغه فيها لمبة تنور بلد .. بس كلهم بتجمعهم صفة مشتركة"غير حب الوطن و الريس طبعاً" و هى انها لمبات محروقة ..
أيوووة .. محروقة و مولعة و مفرقعة ..
و لذلك فهى مش بتنور و لا بتعمل اى حاجة..
متوسط عمر اللمبة المصرية بيتراوح من 6-8 سنين .. حسب سن دخول المدرسة..
ساعتها تحصل حاجة من 2 : 1- يا اما التيار يقل حبة حبة لحد ما يقطع " و دة لو الواد استسلم"
2- يا اما التيار يعلى بغباوة و اللمبة اللى فى دماغ الواد تتحرق

عامةً النتيجة فى الحالتين واحدة و هى عبارة عن مواطن مضلّم احتمال ينور فى ماتش كورة...

عزيزى المواطن.. رجاءً لا تفقد الأمل بامكانك استعادة قدرتك على الانارة حالاً اذا توجهت لأحد بلاد الـ 110 فولت
مرسلة بواسطة في
التسميات:

هناك 3 تعليقات:

  1. ESRAA MOHAMMED4 فبراير 2010 في 3:13 م

    el3ab ya aboo serag
    ana awel wa7da 3amalt comment 3la awel post
    w de 7aga lazem tftkrha b3d m tb2a 7ad mash-hooor zy ma batwaka3lk

    ردحذف
  2. Serag13 فبراير 2010 في 2:22 م

    shokran ya esra2 3la el daf3a el m3naweyya de :)

    ردحذف
  3. ندى المصرى17 يونيو 2010 في 6:41 م

    هاى انا اول مره ادخل هنا
    وكلامك حلو


    طلب بقى ؟
    ممكن انقل الكلام دا عندى ف الفيس بوك ؟
    البيدج & الجروب

    ردحذف

الاشتراك في: تعليقات الرسالة (Atom)